بڕیاردەری لیژنەی دارایی لەپەرلەمانی عێراق ئاشكرای كرد: لە پرۆژەی بودجەی گشتی عێراقدا هەمو لێبڕینێكی نوێمان لە موچەی فەرمانبەران و خانەنشینان رەتكردوەتەوە.
ئەحمەد سەفار لە لێدوانێكی رۆژنامەوانیدا رایگەیاند: لە چوارچێوەی بودجەی گشتیدا هیچ لێبڕینێك لە موچەی فەرمانبەران و خانەنشینانی عێراق ناكرێت، چونكە پێویستە حكومەت ژیانێكی شایستە بۆ ئەم چینە دەستەبەر بكات، نەك بەپێچەوانەوە.
وتیشی: لیژنەی دارایی دژی بیرۆكەی لێبڕینە و بۆ حكومەتمان رونكردوەتەوە و داوامان لێكردوە دوبارە كار بە یاسای باجی داهات بكات، سەبارەت بەو لێبڕینانەشی كە لەرێگەی باجەوە دەبێت هەمان ئەو لێبڕینانەیە كە پێشوتر لەیاسای باجی پاشەكەوت كاری پێدەكرا ، واتا هیچ گۆڕانكاریەك لەموچەی فەرمانبەراندا ناكرێت.
