جەمال كۆچەر ئەندامی لیژنەی دارایی پەرلەمانی عێراق دەڵێت: سەرۆكی كوتلە سیاسیەكان و سەرۆكی لیژنەی دارایی بۆ رێكەوتن لەسەر پشكی هەرێمی كوردستان لە بودجە و كۆتایی هێنان بە پرۆژە یاساكە كۆدەبنەوە.
جەمال كۆچەر لە لێدوانێكدا باسی لەوەكردوە: هەیسەم جبوری سەرۆكی لیژنەی دارایی پەرلەمان لەگەڵ سەرۆكی كوتلە سیاسیەكاندا كۆدەبێتەوە و باسی وردەكاری گفتوگۆكان و دەرچون بە رێكەوتنێك دەكرێت لەسەر پشكی هەرێمی كوردستان.
ئاماژەی بەوەشدراوە: وەفدی كوردی گەڕاونەتەوە پەرلەمان ئەوەش دوای ئەوەی وردەكاری پرۆژە یاساكە و خەرجی فەرمانبەران و بڕی نەوتی هەناردەكراوی هەرێم پێشنیاز كراوە و ئامادەییان پیشانداوە بە تەواوەتی پابەندبن بە رادەستكردنی 250 هەزار بەرمیل.
ئەندامەكەی لیژنەی دارایی جەختیلەوەشكردوەتەوە: رۆژی دووشەممە پرۆژە یاسای بودجە ئامادە دەبێت بۆ دەنگدان لەسەری، و لەئێستادا چاوەڕێی كۆبونەوەی كوتلە سیاسیەكانن بۆ رێكەوتن لەسەر پشكی هەرێم و تێپەڕاندنی.
