پارێزگاری سلێمانی رایگەیاند، پڕۆژەی لامەركەزیەت زیاتربونی خزمەتگوزاری وكەمبونەوەی رۆتین دەگەیەنێت.
هەڤاڵ ئەبوبەكر، پارێزگاری سلێمانی لە كۆنگرەیەكی رۆژنامەوانیدا لەبارەی پڕۆسەی لامەركەزیەت لە هەرێمی كوردستان رایگەیاند، “پشتیوانی لە پڕۆژەی لامەركەزیەتی ئیداری لە هەرێمی كوردستان دەكەین، كە مەبەست لێی زیاتربونی خزمەتگوزاری وكەمبونەوەی رۆتینە.
پارێزگاری سلێمانی پێیوایە دەزگاكانی بەڕێوەبردن لە حالەتی جێبەجێكردنی لامەركەزییەتدا هەستی ئەوەیان لادروست دەبێت بەشێكن لە سیستمی بەرێوەبردن، وتیشی هیوادارن ئەو دۆسییە زیاتر بچێتە پێشەوە.
هەر لەكۆنگرە رۆنامەوانییەكەدا پاریزگاری سلێمانی ئاماژەی بۆ ئەوە كرد لە كارنامەی حكومەتی هەرێم ئەوە جێگیركراوە و هەر سێ لایەنە سەرەكییەكەی بەشدار لە حكومەتیش جەخت لەسەر سیستەمی لامەركەزی دەكەنەوەو، و پڕۆژەیەكیان داوەتە حكومەتی هەرێمی كوردستان بۆ ئەوەی سیستمەكە لە وادەیەكی دیاركراودا جێبەجێ بكرێت.
ماوەی چەند ساڵێك پرسی لامەركەزیەت لە سلێمانی تاوتوێ دەكرێت، ئەنجومەنی پارێزگای سلێمانیش لیژنەیەكی بۆ ئەو بابەتە پێكهێناوە.
