ئهندامێكی لێژنهی دارایی پهرلهمانی عێراق ڕایگهیاند، داوای ڕادهستكردنی كۆی نهوتی ههرێمی كوردستان دهكرێت و حكومهتی ههرێمیش ئهوهی ڕهتكردۆتهوه، تهنها پابهندی ئهوه دهبێت كه له پڕۆژه یاساكهدا ههیه كه ئهوهش ڕادهستكردنی (250) ههزار بهرمیل نهوتی ڕۆژانهیه..
جهمال كۆچهر ئهندامى لیژنهى دارایى پهرلهمانى عێراق لهلێدوانێكدا دهڵێت ههرێمی كوردستان لهبارهی دواین ئهنجامهكانی جێگیركردنی پشكهكهی له پرۆژه یاسای بودجهى 2021 عێراق، چاوهڕوانی وهڵامی لایهنه شیعیهكان دهكات و بۆ ئهوهش تاكو ئێستا داواكاری ئهوان یهكلایی نهكراوهتهوه.
باسی لهوهشكردووه، چاوهڕوان دهكرێت له یهك دوو ڕۆژی داهاتوو بهفهرمی ههڵوێستی لایهنه شیعهكان لهبارهی پشكی ههرێمی كوردستان له پڕۆژه یاسای بودجهدا ئاشكرا بكرێت.
سهبارهت به دهنگدانیش لهسهر پرۆژه یاساى بودجه، جمال كۆچهر ئهوهى ئاشكراكردوه كه تائێستا هیچ وادهیهكى دیاریكراو نیه بۆ دهنگدان لهسهرى.
