وەزارەتی نەوتی عیراق رایگه‌یاند، مانگی رابردوو به بڕی نزیكه‌ی 89 ملیۆن به‌رمیل نه‌وت هه‌نارده كراوه و داهاته‌كه‌ی به‌راورد له‌گه‌ڵ مانگی پێشووتر زیادی كردووه.
به‌پێی راگه‌یه‌نراوێكی وەزارەتی نەوتی عێراق پاڵپشت به داتاكانی كۆمپانیای سۆمۆ لە مانگی كانوونی دووەمی ڕابردوو بڕی 88 ملیۆن و 922 هەزار و 697 بەرمیل نەوت هەناردەی بازاڕەكانی جیهان كراوە.
هه‌ر له‌و راگه‌یه‌نراوه‌دا هاتووه، كۆی داهاتی بەدەستهاتوو دەكاتە 4 ملیار و 739 ملیۆن و 82 هەزار دۆلار”، ئەمەش بەراورد بە مانگی پێشوو زیاتر لە 500 ملیۆن دۆلار زیادی كردووە.
وه‌زاره‌تی نه‌وتی عێراق ئاماژه‌ی به‌وه‌شكردووه، تێكڕای نرخی هه‌ر به‌رمیلێك له‌و مانگه‌دا 53 دۆلار و 29 سه‌نته، كه له مانگی كانونی یه‌كه‌مدا هه‌ر به‌رمیلێك به 48 دۆلار و 13 سه‌نت فرۆشرابوو.
