راوێژكارێكی مەسعود بارزانی رایگەیاند ، لەلایەن ئەو كوتلە سیاسیانەی كە سەر بەئێرانن بەدیاریكراوی موچەی فەرمانبەری هەرێم و پشكی هەرێم لە بودجەی گشتی عێراق كراوە بەمەلەفێكی سیاسی و مەرجی تەعجیزی بۆ ئەم بابەتە دادەنێن.
مەسعود حەیدەر، راوێژكاری مەسعود بارزانی، سەرۆكی پارتی دیموكراتی كوردستان بەدەنگی ئەمریكای راگەیاند، بەغدا داوای رادەستكردنی كۆی نەوتی هەرێمی كوردستان بەحكومەتی عێراقی دەكات و دەیەوێت مامەڵەكردن لەگەڵ هەرێمی كوردستان وەكو هەر پارێزگایەك لەپارێزگاكانی تری عێراق بێت، ئەمەش پێچەوانەی دەستوری عێراقەو، پێچەوانەی بنەماكانی شەراكەت و تەوافق و تەوازنە، لەگەڵ ئەمەشدا حكومەتی هەرێمی كوردستان و پارتی نەرمیان نواندوە بەرامبەر بەعێراق بۆ ئەوەی مەلەفی موچە نەبێت بەمەلەفێكی سیاسی و وەكو كارتێكی فشار بەكارنەهێنرێت و، هەرێمی كوردستان پابەندی ڕادەستكردنی 250 هەزار بەرمیل نەوتە یاخود داهاتەكەی لەبەرامبەردا پشكی هەرێمی كوردستان لەبودجەدا بۆ هەرێمی كوردستان بنێردرێت.
سەبارەت بەچارەسەری قەیرانی موچەش مەسعود حەیدەر وتی ، لێبڕینی موچە لەعێراقیشدا هەیە بەڵام لەژێر چەتری باجدا دانراوە و هەرێمی كوردستانیش دەتوانێت چوارچێوەیەك بۆ لێبڕینی موچە دیاری بكات و ئیتر مانگانە موچە بدات و چیتر چاوەڕوانی بەغدا نەكات.
