سەرۆك كۆماری عێراق داوای پاراستنی مافی هەمو گەلی عێراق و فەرمانبەران و خانەنشینان بەهەرێمی كوردستانیشەوە لەبودجەی گشتی فیدڕاڵیدا دەكات ، و بەگرنگی دەزانێت بودجە وسیاسەت تێكەل نەكرێن.
بەرهەم ساڵح سەرۆك كۆماری عێراق كۆبونەوەیەكدا لەگەڵ هەیسەم جبوری سەرۆكی لیژنەی دارایی پەرلەمانی عیراق وئەندامانی لیژنەكە رایگەیاند ، پێویستە لەكاتی دەنگدان بە بودجەدا مافی فەرمانبەران وخانەنیشینان وبەرژەوەندی هاوڵاتیانی هەمو پارێزگاكان و دابینكردنی پاڵپشتی دارایی پێویست بۆ سوپا و حەشدی شەعبی و پێشمەرگە لەبەرچاو بگیرێت.
جەخیشیكردەوە ،گرنگە بەهیچ شێوەیەك بابەتی بودجە وسیاسەت تێكەل نەكرێت ، وجەخت لەسەر گەیشتن بە چارەسەرێكی دادپەروەرانە و یاسایی بكرێتەوە كە زامنی مافەكانی گەلی عێراق وهەرێمی كوردستانیش بكات.
