ڕاویژكارێكی ئابوری : باج خستنەسەر موچەی فەرمانبەرانی عێراق كاتیە

راوێژكاری ئابوری سەرۆك وەزیرانی عێراق دڵنیاییدا لەوەی باج خستنەسەر موچە رێوشوێنێكی كاتیە، و سەپاندنی باجیش تەنها بەیاسا هەڵدەوەشێنرێتەوە .
موزهر موحەمەد ساڵح راوێژكاری ئابوری سەرۆك وەزیرانی عێراق لە لێدوانێكی رۆژنامەوانیدا رایگەیاند، بڕیارە كارگێڕییەكان بەهیچ شێوەیەك ناتوانێت جێبەجێكردنی یاسای باج پەكبخات بەهەرچ هۆكارێك بێت .
دووپاتیشیكردەوە، سەپاندنی باج تەنها بەیاسا پەكدەخرێت و پەرلەمانی عێراقیش لە بودجەی ساڵانی 2015-2016 كاتێك پشتی بە پیشنیاری حكومەت بەست بۆ ئەوەی باج بە بڕی 3.8% بخرێتە سەر موچەی فەرمانبەرانی حكومی ، لەپێناو  پاڵپشتی حەشدی شەعبی و ئاوارەكان بوو.
ڕاوێژكارەكەی سەرۆك وەزیران دوپاتیشی كردەوە، ئەو باجە لەگەڵ كۆتایی هاتنی ئەو دووساڵە كۆتایی پێهات و سەپاندنی باجیش رێوشوێنی كاتین و دەبێت هەموارەكان بكرێت بەیاسایەكی جێگیر كە بەدەربێت لە یاسای ساڵانەی بودجەی گشتی فیدڕاڵی.