سەرۆكی ئەمریكا رایگەیاند، هاوكاری و پشتیوانیەكانیان بۆ هاوپەیمانی عەرەبی لە شەڕی یەمەن رادەگرن و لەهەمانكاتدا بەردەوام دەبن لە پاراستنی سعودیە لە بەرامبەر هێرشە موشەكیەكانی حوسیەكان.
جۆ بایدن سەرۆكی ئەمریكا لە میانی سەردانێكیدا بۆ وەزارەتی دەرەوەی ولاتەكەی رایگەیاند، هاوكارییە سەربازی و هەواڵگرییەكانیان بۆ هاوپەیمانی عەرەبی لە شەڕی یەمەن رادەگرن.
سەرۆكی ئەمریكا باسی لەوەشكرد، سەرباری ئەو بڕیارە بەردەوام دەبن لە پشتیوانیەكانیان بۆ سعودیە لە بەرامبەر ئەو هێرشانەی حوسیەكان بە موشەكی ئێرانی دەیكەنە سەر ئەو وڵاتە.
ماوەی شەش ساڵە هاوپەیمانی عەرەبی سەر سەركردایەتی سعودیە بەشدارە لەشەڕی یەمەن و لەو ماوەیەدا ئەمریكا بە تەواوەتی پشتیوانی لەو هاوپەیمانییە كردووە.
شەڕی ناوخۆی یەمەن تائێستا نزیكەی 110 هەزار قوربانی لێكەوتوەتەوە و بڕیارە نوێكەی ئەمریكا لە چوارچێوەی هەولچەكانیدایە بۆ دۆزینەوەی رێگەچارەی سیاسی بۆ كۆتاییهێنان بەو شەڕە.
