توركیا ئۆپه‌راسیۆنێكی سه‌ربازی دژی گه‌ریلاكانی پارتی كرێكارانی كوردستان (په‌كه‌كه) له پارێزگاى مێردینى باكورى كوردستان ده‌ستپێكرد.
ئۆپه‌راسیۆنه‌كه شه‌وی رابردوو له ناوچه‌ی ئۆمه‌ریان ده‌ستیپێكرد كه ده‌كه‌وێته سنووری كارگێڕیی شارۆچكه‌كانی ئارتۆكڵو، نوسێبین و ئۆمه‌رلی سه‌ر به پارێزگای مێردین.
به‌گوێره‌ی راگه‌یه‌ندراوێكى پارێزگاری مێردین، له كاژێر 05:00ی به‌ره‌به‌یانی ئه‌مڕۆ 7ی شوبات به‌هۆی ده‌ستپێكردنی ئۆپه‌راسیۆنی سه‌ربازی، له چه‌ند شوێنێكی پارێزگای مێردین قه‌ده‌خه‌ی هاتووچۆ راگه‌یه‌ندراوه، ئه‌مه‌ش وێڕای به‌رده‌وامبوونی بڕیاری سنوورداركردنی هاتووچۆ له چوارچێوه‌ی رێكاره‌كانی ڤایرۆسی كۆرۆنا.
