پارێزگاری نوێی هەولێر: ناوی پارێزگار دەگۆڕین بۆ خزمەتكار

ئومێد خۆشناو سەرۆكی پێشوی فراكسیۆنی پارتی دیموكراتی كوردستان بوە 42ەمین پارێزگای هەولێر، ئەوەش دوای سێ‌ مانگ لە كۆچی دوایی فرسەت سۆفی پارێزگاری پێشو و لە وتەیەكیشدا خۆشناو وتی: دەمانەوێت ناوی پارێزگار بگۆڕین بۆ خزمەتكار.
پێشنیوەڕۆی ئەمڕۆ دووشەممە ئەنجومەنی پارێزگای هەولێر بۆ دیاریكردنی پارێزگاری نوێ كۆبویەوە و 3 پاڵێوراو دەنگیان لەسەر درا، ئومێد خۆشناو پاڵێوراوی پارتی لە كۆی دەنگی 23 ئەندامی ئەنجومەنەكە بە 18 دەنگ وەك پارێزگاری هەولێر دیاری كرا و دوو پاڵێوراوەكەی تر هیچ دەنگێكیان بەدەستنەهێنا.
دوای بون بە پارێزگار ئومێد خۆشناو لە كۆنگرەیەكی رۆژنامەوانیدا لەناو ئەنجومەنەكە وتی: لە ئاستی ئەو متمانەدا دەبین كە پێمان دراوە و خزمەتكارێكی شاری هەولێر دەبین بەهەموو پێكهاتەكانییەوە، هەروەها سوپاسی ئەوانە دەكەین كە بە هەر هۆكارێك بێت دەنگیان پێنەداین.
جەختیلەوەشكردەوە: بەهیچ شێوەیە بیرمان لای ئەوە نابێت كێ‌ دەنگی پێداوین و دەنگی پێنەداوین و خزمەت بە هەموان دەكەین و پێش هەموو كەس خزمەتكاری ئەو فراكسیۆنانە دەبین كە دەنیگیان پێنەداوین، پەیوەندییەكانمان لەگەڵ هەموو لایەك بەهێزتر دەكەین.
پارێزگاری نوێی هەولێر باسی لەوەشكرد: دڵنیایی بە خەڵكی پارێزگای هەولێر دەدەین كە ئێمە یەك ئامانجمان هەیە ئەویش گۆڕینی ناوی پارێزگارە بۆ خزمەتكار، ئەوەش شانازییەكی گەورەیە، تا ئەمڕۆ كاندیدی پارتی و بارزانی بوم و دوای مەرسومی سەرۆكایەتی و سوێندخواردن كۆتایی بەو قۆناغە دێت كە كار بۆ چ حزبێك دەكەین و فەرمانبەرێكی خزمەتگوزاری حكومەتی هەرێم دەبین.
ئومێد خۆشناو وتیشی: لەلایەن سەرۆك وەزیرانیشەوە جەختلەوەكراوەتەوە كە من خزمەتكارێكی خەڵكم، بۆ ئەوەش پێویستم بە هاوكاری ئەنجومەن دەبێت و هەنگاو بەهەنگاو لەگەڵماندا بن و چاودێریمان بكەن.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .