كۆمسیۆنی باڵای سەربەخۆی هەڵبژاردنەكانی عێراق دەڵێت: بانگهێشتنامەیان پێشكەشی 71 باڵیۆزخانە و رێكخراوی نێودەوڵەتی كردوە بۆ چاودێریكردنی هەڵبژاردنی داهاتو، تائێستاش 15 ملیۆن هاوڵاتی لە رێگەی بایۆمەتریەوە ناویان تۆمار كردوە.
جومانە غلای وتەبێژی كۆمسیۆنی هەڵبژاردنەكان رایگەیاندوە: بانگهێشتنامە ئاڕاستەی 71 باڵیۆزخانە و رێكخراوی بیانی و عەرەبی كراوە بۆ چاودێریكردنی هەڵبژاردنی داهاتوی عێراق، زۆرینەیان وەڵامی داواكاریەكەیان داوەتەوە و ئامادەن، لەوانەش یەكێتی ئەوروپا و نێردەی نەتەوە یەكگرتوەكانیش.
رونیشیكردوەتەوە: نەتەوە یەكگرتوەكان ژمارەیەك شارەزای ناردوە كە لەلایەنی راگەیاندن و لۆجستی هەڵبژاردنەوە هاوكاری پێشكەش دەكەن، هەروەها تیمێكی تر دێن بۆ پێشكەشكردنی راوێژی هونەری.
وتەبێژی كۆمسیۆنی هەڵبژاردنەكان جەختیلەوەشكردوەتەوە: زیاتر لە 719 هەزار كەس و 7 هەزار ئاوارە زانیاریەكانیان لە لیستی دەنگدەران نوێكردوەتەوە، رێژەی تۆماركردنی بایۆمەتری گەیشتوەتە 15 ملیۆن هاوڵاتی و لەكۆی 25 ملیۆن كارتی دەنگدەر زیاتر لە 13 ملیۆن كارت دابەشكراون، هەروەها ژمارەی چاودێرانی نێودەوڵەتی گەیشتونەتە 2 هەزار و 700 چاودێر.
