wazho.net
د.رەهێڵ فەرەیدون بریكاری وەزارەتی تەندروستی هەرێم لەبارەی دۆخی كۆرۆناوە دەڵێت: لەچەند رۆژی داهاتودا لیژنەی باڵای روبەڕونەوەی كۆرۆنا كۆدەبێتەوەو بڕیاری نوێ دەردەكات.
د.رەهێڵ لە لێدوانێكدا بە دەزگا فەرمیەكانی یەكێتی وتوە: لەئێستادا دۆخی كۆرۆنا لەهەرێم و ژمارەی توشبون بە رێژەیەكی باش جێگیرە، بەڵام پێشتریش وتومانە ئەگەری زیادبون و هەڵكشانی هەیە.
رونیشیكردوەتەوە: لەچەند رۆژی داهاتودا وەزارەتی تەندروستی و لیژنەی باڵای روبەڕوبونەوەی كۆرۆنا كۆدەبنەوە و بۆ خۆپاراستن لەكۆرۆنا بەراورد بەماوەی رابردو رێكاری توندو چڕتر دەردەكەن.
لەبارەی دۆخی كۆرۆنا لەخوێندگاكان بریكاری وەزارەتی تەندروستی وتی: دۆخی كۆرۆنا لەخوێندنگەكان زۆر باشەو مەترسیدار نیە، راستە چەند خوێندكارێك لەهەرێم توشی كۆرۆنا بون، بەڵام مەترسیەكە لەوەیە كە خۆپارێزی لەلایەن خوێندكاران و خوێندنگەكانەوە وەك پێویست نەكرێت.
