رەغەدی كچی سەدام حسێن بەدوری نازانێت رۆڵێكی سیاسی لەعێراقدا بگێڕێت

كچە گەورەكەی سەدام حسێنی سەرۆكی پێشوتری عێراق ئاشكرای كرد، بەدوری نازانێت لەداهاتودا رۆڵێكی سیاسی لەعێراقدا بگێڕێت.
رەغەد سەدام حسێن لەچاوپێكەوتنێكی تایبەتیدا لەگەڵ كەناڵی عەرەبیەی ئاسمانی وتی، عێراق لەدوای داگیركردنی بەچەند قۆناغێكی زۆر دژواردا تێپەڕبوە و عێراقیەكان نەهامەتیەكی زۆریان چەشت و سەردەمی سەدام حسێنی باوكی باشتربوە لەم سەردەمەی ئێستا وەكو خەڵكی باسیدەكەن، و تەنها لەگەڵ ئەو كەسانە بەتوندی هەڵسوكەوت كراوە كەدەستدرێژیان كردوەتە سەر هێڵەكانی دەسەڵاتی عێراق، بەڵام بەشێوەیەكی گشتی خەڵكی ئاسودەبوە و ژیانیان پارێزراو بوە.
وتیشی، زۆر نیگەرانم لە دابەشبونی عێراق و ئاواتەخوازم ئەو رۆژە نەبینم و ئێمە دژی ئازادیەكین كە بە چەك و كوشتن پەردەپۆش كرابێت و هیچ سنور و بەرپەچدانەوەیەك بۆ دەستوەردانەكانی ئێران لەعێراقدا دانەنراوە .
كچە گەورەكەی سەدام حسێنی سەرۆكی پێشوتری عێراق رونیشیكردەوە، لەدوای دەستگیركردنی باوكم بڕیارمدا هەڵوێستی سیاسیم هەبێت و وەكو هاوڵاتیەكی عێراقیش مافی خۆمە ئەگەر پێگەیەكم لەو وڵاتەدا هەبێت و رەنگە لەداهاتودا رۆڵی سیاسیش لەعێراقدا بگێڕم.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .