كۆمسیۆنی باڵای سەربەخۆی هەڵبژاردنەكان بڕیاریدا بڕی بارمتەی وەرگیراو لە بەربژێر لەبەرامبەر بەشداری لە هەڵبژاردنەكانی داهاتوی ئەنجومەنی نوێنەران كەمبكاتەوە.
كۆمسیۆنی باڵای سەربەخۆی هەڵبژاردنەكان لەراگەیەندراوێكدا بڵاویكردەوە، بەمەبەستی هاندان بۆ بەشداریكردن لە هەڵبژاردنەكانی ئەنجومەنی نوێنەران و كەمكردنەوەی قورسایی دارایی لەسەر شانی ئەوانەی ئارەزوی خۆپاڵاوتنیان هەیە بۆ ئەم هەڵبژاردنە، ئەنجومەنی كۆمیسیاران بڕیاریدا بە كەمكردنەوەی بڕی ئەو بارمتەیەی دەخرێتە سەر هەژماری كۆمیسیۆن لە 5 ملیۆن دینارەوە بۆ دوو ملیۆن دینار بۆ هەر بەربژێرێكی تاك یان هەر پاڵێوراوێك كە دەیەوێت بەشداری لە هەڵبژاردنەكاندا بكات لە چوارچێوەی ئەو لیستە كراوانەی كە حزبەكان یان هاوپەیمانییە سیاسییەكان پێشكەشی دەكەن.
بڕیارە 10ی تشرینی یەكەمی ئەمساڵ هەڵبژاردنی پەرلەمانی عێراق بەڕێوەبچێت، 27ی ئەم مانگەش دوایین وادەیە بۆ دروستكردنی هاوپەیمانیەتی بۆ بەشداریكردن لەهەڵبژاردن.
