لەبەردەم باڵیۆزخانەی توركیا لە بەغدا خۆپیشاندان دژی هێرشەكانی سوپای ئەو وڵاتە بۆ سەر خاكی عێراق ئەنجام درا.
سەرچاوەكانی هەواڵی عێراقی بڵاویانكردوەتەوە، سەرلەبەیانی ئەمڕۆ 5 شەممە هاوڵاتیان رژاونەتە سەر شەقام و لەبەردەم باڵیۆزخانەی توركیا لە شاری بەغدا دەستیان كردوە بە خۆپیشاندان.
بەپێی زانیاریەكان، خۆپیشاندانەكە بەهۆی هێرش و بۆردومانەكانی توركیایە بۆ سەر خاكی عێراق “هەرێمی كوردستان”.
ئەمەش لەكاتێكدایە، هەفتەی رابردوو سوپای توركیا كۆتایی بە پرۆسەیەكی سەربازی بەناوی “چنگی هەڵۆ – 2” لە چیای گارە و دەورەبەری لە پارێزگای دهۆك هێنا كە تێیدا ژمارەیەك سەربازی توركی و گەریلای پەكەكە كوژران و بریندار بوون.
