نرخى نه‌وتى خاو به‌رده‌وامه له به‌رزبونه‌وه و یه‌ك به‌رمیل خاوى برێنت به سه‌رو 65 دۆلاره‌وه مامه‌ڵه‌ى پێوه‌ده‌كرێت.
به‌پێى راپۆرته ئابوریه‌كان له بازاڕه‌كانى مامه‌ڵه‌ى كردن به نه‌وتى خاوه‌وه، پێنج شه‌ممه 18ى شوباتى 2021 نرخى نه‌وتى خاو بازێكى ترى داوه و یه‌ك به‌رمیل خاوى برێنت به 65 دۆلار و 27 سه‌نت ده‌فرۆشرێت.
به‌پێى هه‌مان ئه‌و راپۆرتانه، هه‌روه‌ها به‌رمیلێك خاوى خۆرئاواى ته‌كساسى ئه‌مریكا به‌رامبه‌ر 61 دۆلار و 90 سه‌نته و به‌رمیلێك خاوى ئۆپێكیش به 62 دۆلار و 60 سه‌نت ده‌فرۆشرێت.
ئه‌وه‌ش به‌رزترین نرخه له‌ماوه‌ى زیاتر له ساڵێكدا تۆمارى كردبێت و شاره‌زایان باس له‌وه‌ده‌كه‌ن، هۆكارى به‌رده‌وامى به‌رزبونه‌وه‌ى نرخى نه‌وت بۆ زیادبونى خواسته له‌سه‌رى.
