وەزیری بەرگریی ئەمریكا: هێرشەكەی سەر هەولێر پێویستی بەردەوامبوونی كارەكانمانی لە ناوچەكە سەلماند

وەزیری بەرگریی ئەمریكا رایگەیاند، ئەو هێرشە موشەكییەی كرایە سەر هەولێر ئەوەی دەرخست، كە دەبێت درێژە بە كارەكانیان بدەن و بەردەوامبن لە ناوچەكەدا.
لۆید ئۆستن وەزیری بەرگریی ئەمریكا ، جەختی لە پابەندبوونی وڵاتەكەی بە لەناوبردنی داعش و رێزگرتن لە سەروەریی خاكی عێراق و سەقامگیریی درێژخایەنی ناوچەكە كردەوە.
ئۆستن باسی لەوەشكردووە، هێرشە موشەكییەكەی سەر هەولێر گرنگیی بەردەوامبوونی كارەكانی ئەمریكای لە ناوچەكەدا سەلماند.
هاوكات وەزیری بەرگریی ئەمریكا پێشوازی لە بڕیاری ناتۆ كردووە بۆ فراوانكردنی چالاكییەكانی لە عێراق و پێویستی بوونی توانای سەربازی و هێزی ئامادەكراو  لەو وڵاتە.
شەوی 15 ی شوبات، بە موشەك هێرشكرایە سەر هەولێری پایتەختی هەرێمی كوردستان و بەهۆیەوە بەڵێندەرێكی مەدەنی كە كاری لەگەڵ هێزەكانی ئەمریكا دەكرد كوژرا و چەند كەسێكی تریش برینداربوون.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .