وەزارەتی تەندروستی حكومەتی هەرێم ئەو دەنگۆیانە رەتدەكاتەوە باس لەدەستپێكردنەوەی قەدەغەی هاتوچۆ دەكەن و جەختلەوەدەكاتەوە كە هیچ بڕیارێكی لەو جۆرە بونی نییە.
د.ئاسۆ حەوێزی وتەبێژی وەزارەتەكە لە رونكردنەوەیەكدا رایگەیاندوە: چەند پەیج و سایتێكی میدیایی بەناوی وەزیری تەندروستی هەواڵێكیان بڵاوكردۆتەوە گوایە قەدەغەی هاتوچۆ رادەگەیەنرێت.
جەختیلەوەشكردوەتەوە: لێرەوە بۆ هاوڵاتیان و ڕای گشتی روندەكەینەوە كە لێدوانی لەو جۆرە نەبوە و لە باری ئێستادا هیچ بڕیارێكی قەدەغەی هاتوچۆ نییە.
وتەبێژی وەزارەتی تەندروستی رونیشیكردوەتەوە: هەر رێكارێك یان بڕیارێك هەبێت بەفەرمی رادەگەیەنرێت لە لایەن وتەبێژی وەزارەت و لە پەیجی فەرمی بڵاودەكرێتەوە.
