wazho.net
بەڕێوەبەرایەتی پۆلیسی پارێزگای سلێمانی ئاشكرایكرد: تۆمەتبارێكیان دەستگیر كردوە كە هەڕەشەی بڵاوكردنەوەی وێنەكانی لە كچێك كردوە.
بەڕێوەبەرایەتی پۆلیسی پارێزگای سلێمانی لە بڵاوكراوەیەكدا باسی لەوەكردوە: پاش ئەوەی كچێك سكاڵای یاسایی لەسەر تۆمەتبارێك تۆمار كرد كە هەڕەشەی بڵاوكردنەوەی وێنە تایبەتییەكانی لێكردبو ئەگەر پەیوەندییەكەی بەردەوام نەبێت لەگەڵیدا، هێزەكانی پۆلیس لێكۆڵینەوەكانیان دەستپێكرد و زانیاری پێویستیان لەسەر تۆمەتبارەكە كۆكردەوە.
ئەوەش هاتوە: دوای وەرگرتنی بڕیاری دادوەر توانرا لەماوەیەكی كەمدا تۆمەتبار كە لە دایكبوی 1994ە بدۆزرێتەوەو لەلایەن مەفرەزەكانی بنكەی پۆلیسی كوردساتەوە دەستگیر بكرێت.
پۆلیسی سلێمانی جەختیلەوەشكردوەتەوە: لەئێستادا تۆمەتبار بەبڕیاری دادوەری لێكۆڵینەوە راگیراوەو لێكۆڵینەوەكان لەگەڵیدا بەردەوامە.
