جۆ بایدن سەرۆكی ولایەتە یەكگرتوەكانی ئەمریكا دەڵێت: بە توندی لێپێچینەوە لە سعودیە دەكەن لەسەر پێشێلكاریەكانی دژی مافەكانی مرۆڤ.
جۆ بایدن لە چاوپێكەوتنێكدا لەگەڵ تۆڕی “یونیڤیژن”ی ئەمریكی وتی: لەگەڵ مەلیك سەلمان شای سعودیە قسەی كردوە و بۆی رونكردەتەوە كە هەر دەبێت یاساكان بگۆڕدرێن.
رونیشیكردوەتەوە: واشنتۆن لە رۆژی دووشەممەی داهاتوەوە چەند گۆڕانكاریەك سەبارەت بە سعودیە رادەگەیەنێت، بەرپرسانی سعودیە لەسەر پێشێلكاریەكانی مافی مرۆڤ لێپێچینەوەیان لەگەڵ دەكرێت.
ئەم قسانەی بایدن دوای ئەوەدێت، كە ئەمریكا بە فەرمی محەمەد بن سەلمان جێنشینی سعودیەی بە كوشتنی جەمال خاشقچی رۆژنامەنوسی سعودی كە لە ساڵی 2018 لە قونسوڵگەری ئەو وڵاتە لە توركیا دیار نەما تۆمەتبار كرد.
