مه‌سرور بارزانی و وه‌زیری ناوخۆی عێراق چه‌ند پرسێكیان تاوتوێ كرد

مه‌سرور بارزانی، سەرۆکوەزیرانی ھەرێمی کوردستان، پێشوازی لە عوسمان غانمی وەزیری ناوخۆی حکوومەتی فیدراڵ کرد.

بەپێی ھەواڵێکی نووسینگەی راگەیاندنی سەرۆکوەزیرانی ھەرێمی کوردستان، لە دیدارەکەدا گفتوگۆ دەربارەی پەرەپێدانی ھەماھەنگیی ئەمنی نێوان حکوومەتی ھەرێمی کوردستان و حکوومەتی فیدراڵی کرا، بەتایبەتی کە لەسەر پرسی ھێرشە مووشەکییەکەی سەر ھەولێر، لە ئەنجامی ھەماھەنگیی باشی نێوان حکوومەتی ھەرێم و حکوومەتی فیدراڵی، ئەنجامی باش بەدەستھاتوون.
ئەوەش خراوەتەڕوو، لە دیدارەکەدا جەخت لە گرنگیی جێبەجێکردنی رێککەوتننامەی شنگال و دەرچوونی میلیشا و ھێرە چەکدارە نایاساییەکان لە دەڤەرەکە کرا.
باس له‌وه‌شكراوه‌، سەرۆکوەزیرانی ھەرێمی کوردستان، وێڕای سوپاسکردنی وەزیری ناوخۆی عێراقی فیدڕاڵ بۆ ھەوڵەکانی لە پێناو چارەسەرکردنی کێشەکان، ئاماژەی بە بەردەوامیی سیاسەتی گۆڕینی دیموگرافی و دەستدرێژیکردنە سەر ھاووڵاتییانی کورد و داگیرکردنی زەویوزارەکانیان لە کەرکووک و ناوچە کوردستانییەکانی دەرەوەی ئیدارەی ھەرێم کرد و رایگەیاند کە ئەم جۆرە دۆخە نائاسایی و نادەستوورییە، لە بەرژەوەندی خەڵکی عێراق نییە و پێویستە رێگری لێ بکرێت.
لە بەشێکی ھەواڵەکەدا ئاماژە بەوەكراوه کە، دانوستانەکانی ھەرێمی کوردستان و حکوومەتی فیدراڵی تایبەت بە بوودجەی عێراق بۆ ساڵی 2021 و ھەڵبژاردنەکانی داھاتووی عێراق، تەوەری دیکەی گفتوگۆکان بوو.

هەواڵی دواتر

بزوتنەوەی گۆڕان: كۆبونەوەیەكی راشكاومان لەگەڵ سەرۆكی هەرێم كردوە

نێچیرڤان بارزانی سەرۆكی هەرێمی كوردستان سەردانی بزوتنەوەی گۆڕانی كردو دوای كۆبونەوە لەگەڵیاندا رایگەیاند: وەڵامدانەوەی لایەنەكان …

وەڵامێک بنووسە

پۆستی ئەلکترۆنیکەت بڵاو ناکرێتەوە .