سەركەوت ئەحمەد وتەبێژی پۆلیسی سلێمانی لەسەر هێرشكردنە سەر غالب محەمەد ئەندامی پەرلەمانی عێراق دەڵێت: ئەو پەرلەمانتارە وتویەتی ئەو كەسە دەناسێتەوە هێرشی كردوەتەسەر.
ماڵپەڕی ناس كورد لە زاری سەركەوت ئەحمەد بڵاویكردوەتەوە: تائێستا هیچ كەسێك لەسەر ئەوپرسی هێرشكردنە سەر غالب محەمەد دەستگیر نەكراوە و ئەو پەرلەمانتارە سكاڵای لەسەر كەسێكی دیاریكراو نییە بەڵام وتویەتی ئەو كەسە دەناسێتەوە هێرشی كردوەتەسەری.
باسی لەوشەكرد: تائێستا نازانین هۆكاری هێرشەكە بۆ سەر ئەو پەرلەمانتارە چی بوە، ئایا كێشەی سیاسییە یان كۆمەڵایەتییە یاخود چ كێشەیەكی دیكەیە.
ئێوارەی هەینی بە چەقۆ هێرشكرایە سەر غالب محەمەد ئەندامی پەرلەمانی عێراق و بریندار كرا و دواتر گەیەنرایە نەخۆشخانە، ئەو كردەوەیەش لەلایەن حكومەت و جێگری سەرۆكی حكومەت و چەندین لایەن و كەسایەتییەوە ئیدانەكرا.
