10 موشەك نران بە بنكەی ئاسمانی عەین ئەسەدەوە لە پارێزگای ئەنبار و بەپێی زانیاریەكان قوربانی لێ نەكەوتوەتەوە.
سەرچاوەكانی هەواڵی عێراقی بڵاویانكردوەتەوە: بەرەبەیانی ئەمڕۆ چوارشەممە 10 موشەكی جۆری كاتیۆشا نراون بە سەربازگەی عین ئەسەدەوە لە پارێزگای ئەنبار، كە هێزەكانی ئەمریكا و هاوپەیمانانی تێدایە.
رونیشكراوەتەوە: بەپێی زانیاریەكان موشەكەكان لە دەوروبەری بنكە ئاسمانییەكە كەوتوەنەتە خوارەوە و قوربانی لێنەكەوتوەتەوە، زەنگەكانی ئاگاداركردنەوە بۆ چونە ناو حەشارگەكانەوە داگیرساون.
لەماوەی رابردودا ئەمە دووەم هێرشی موشەكییە بۆ سەر ئەو بنكە سەربازیانەی عێراق كە هێزەكانی ئەمریكا و هاوپەیمانی نێودەوڵەتیان تێدایە و پێشتر هێرشی موشەكی كرایە سەر فڕۆكەخانەی هەولێر و بەهۆیەوە چەند كەسێك كوژران و بریندار بون.
