پاپا فرانسیس بۆ مەسعوود بارزانی: سوپاست ده‌كه‌م بۆ پاراستنی پێكهاته‌كان

پاپا فرانسیس، دوای گه‌یشتنی بۆ هه‌ولێر، له‌گه‌ڵ مەسعوود بارزانی كۆبووه‌وه‌ و له‌ كۆبوونه‌وه‌كه‌شدا سوپاسی تایبه‌تی بارزانی كردووه‌ بۆ پاراستنی پێكهاته‌ ئایینی و نه‌ته‌وه‌ییه‌كان له‌ هه‌رێمی كوردستان و هێنانه‌ ئارای ره‌وشی پێكه‌وه‌ژیانی ئاشتییانه‌ له‌ نێوانیاندا.
پاپا فرانسیس له‌ كۆبوونه‌وه‌یدا له‌گه‌ڵ بارزانی ئاماژه‌ی به‌وه‌ كردووه‌، كه‌ سه‌ردانی ئه‌وانی له‌بیر نه‌چۆته‌وه‌ و به‌هۆی سه‌ردانی مەسعوود بارزانی و سه‌رۆكی حكومه‌ت، هاتووه‌ته‌ هه‌ولێر و سه‌ردانی هه‌رێمی كوردستانی كردووه‌.

پاپا فرانسیس بۆ مسعوود بارزانی گوتیشی: “كوردستانم له‌بیر نه‌چووه‌، له‌سه‌ر داخوازی ئێوه‌ و سه‌رۆكی حكومه‌تی هه‌رێم هاتوومه‌ته‌ ئێره‌ و سه‌ردانه‌كه‌ی ئێوه‌ و سه‌رۆك وه‌زیرانم له‌بیر نه‌چووه، ئێوه‌ نه‌ك پێشوازی له‌من، پێشوازیشتان له‌ كریستیانه‌كانیش كرد‌”.
پاپا ئاماژه‌ی به‌وه‌ش كرد، “ئێوه‌ له‌كاتی هێرشه‌كانی داعش كریستیانه‌كانتان پاراست، ئێوه‌ وه‌ك برا پێشوازیشتان برا كریستیانه‌كان كرد”

هەواڵی دواتر

بایدن بڕیاری پێدانی 40 ملیار دۆلاری بە ئۆکراینا واژۆ کرد

سەرۆکی ئەمریکا، جۆ بایدن کە لە ئێستادا بە گەشتێک لە وڵاتانی ئاسیایە، پاکێجێکی هاوکاری ٤٠ …

وەڵامێک بنووسە

پۆستی ئەلکترۆنیکەت بڵاو ناکرێتەوە .