بەرێوەبەرایەتی گشتی كەشناسی و بومەلەرزەزانی هەرێمی كوردستان بڵاویكردەوە: ئێوارەی چوارشەمە شەپۆلێكی بارانبارین دەستپێدەكات
بەرێوەبەرایەتی گشتی كەشناسی و بومەلەرزەزانی لە بڵاوكراوەیەكدا ئاماژەی بەوەداوە: شەپۆڵێكی باران بارین ڕوو لە ناوچەكەمان دەكات و سەرەتای هاتنی شەپۆلەكە لە ئێوارەی شەوی چوارشەممە لەسەر پێنج شەممە دەبێت بە دوو قۆناغ.
ئەوەش هاتوە: یەكەمیان لە درەنگانی شەوی چوارشەممە دەست پێدەكات زیاتر لەسەر ناوچە شاخاوییەكان دەبێت و سەنتەری پارێزگاكان ئەگەری نمە بارانی دەبێت، رۆژی پێنج شەممەش لە كاتەكانی رۆژدا ئاسمان زیاتر نیمچە هەور دەبێت لەگەڵ بەرزبونەوەی پلەكانی گەرما بە نزیكەی 4 بۆ 6 پلەی سیلیزی.
سەبارەت بە قۆناغی دوەم باس لەوەكراوە: لە شەودا قۆناغی دوەمی باران بارینەكە دەس پێدەكات و لە سەرجەم ناوچەكان دەبارێت، رۆژی هەینی شەپۆڵی باران بارینەكە چالاكتر دەبێت و ئاستی باران بارین لە هەندێ ناوچە لێزمە بارانی دەبێت رۆژی هەینی لەگەڵ باران بارین بارستە هەوایەكی سارد روو لە ناوچەكەمان دەكات پلەكانی گەرما بە نزیكەی 6 بۆ 8 پلە نزم دەكاتەوە بۆیە لەكاتی باران بارین ئەگەری تەزرە بارین دەبێت لە هەندێ ناوچە لەگەڵ بەفر بارین لەسەر لوتكەی شاخە بەرزەكان و ناوچە سنوریەكان، كاریگەری ئەم شەپۆڵە تا ئێوارەی رۆژی هەینی بەردەوام دەبێت.
