wazho.net
عەمید ئەسعەد كەریم وتەبێژی هاتوچۆی هەرێمی كوردستان ئاشكرایكرد: گۆڕانكاری لە مۆڵەتی شۆفێریدا دەكرێت و سیستمێكی نوێ دادەنرێت و دوای هەمواركردنەوە دەچێتە بواری جێبەجێكردنەوە.
عەمید ئەسعەد كەریم لە لێدوانێكی رۆژنامەوانیدا وتی: هاتوچۆی هەرێم سەرقاڵی گۆڕانكارییە لە سیستمی دەرهێنانی مۆڵەتی شوفێری و لیژنەیەك سەرقاڵی پێداچونەوەیە بۆ دیاریكردنی سیستمێكی نوێی پێشكەوتو.
وتیشی: پێشتر ئەم بابەتە كاری تێدا كراوە، بەڵام لەبەر بونی هەندێ خاڵ لەنێو سیستمی نوێ، دوای هەمواركردنەوە دەكەوێتە بواری جێبەجێكردنەوە.
وتەبێژی هاتوچۆی هەرێم جەختیلەوەشكردوەتەوە: لە سیستمی نوێدا زیاتر رۆڵ بە نوسینگەكانی فێركردنی شوفێری دراوە، چونكە لە زۆربەی وڵاتانی جیهان پێویستە نوسینگەكان هاوكاریی هاتوچۆ بكەن.
