wazho.net
سەرۆكایەتی كۆمار لە بەیاننامەیەكدا بڵاویكردوەتەوە، هەندێك دەزگای راگەیاندن و ئەكاونتی تۆڕە كۆمەڵایەتیەكان لێدوانێكی هەڵبەستراویان بەناوی بەرهەم ساڵح سەرۆك كۆمارەوە بڵاوكردوەتەوە.
رونیشكراوەتەوە: ئەوەی بڵاوكراوەتەوە بەتەواوەتی دورە لە ڕاستیەوە و لێدوانێكی هەڵبەستراوە، داوا لە دەزگاكانی راگەیاندن دەكەین وردبن لە گواستنەوەی هەواڵ و دڵنیاببنەوە لە ڕاستی و دروستی لە سەرچاوەی فەرمییەوە، چونكە بڵاوكردنەوەی ئەو جۆر هەواڵانە ئامانج لێی سوكایەتی پێكردن و دروستكردنی ئاژاوەیە و ئامانجەكانی جێی گومانن.
ئەمەش دوای ئەوەدێت، پێشتر بڵاوكرایەوە گوایە بەرهەم ساڵح سەرۆك كۆماری وتویەتی، “عێراق ئامادەیە رێكەوتنی ئاشتی لەگەڵ ئیسرائیل واژۆ بكات بە هەماهەنگی لەگەڵ فەلەستینیەكاندا”.
