بەپێی داتاكانی ماڵپەڕی worldometersی جیهانی ژمارەی توشبوانی پەتای كۆرۆنا لە جیهاندا 118 ملیۆن كەسی تێپەڕاندوە و تەنها ئەمریكا نزیكەی 30 ملیۆن و هندستان و بەڕازیل هەریەكەیان زیاتر لە 11 ملیۆن و روسیا و بەریتانیا هەریەكەیان زیاتر لە 4 ملیۆن و فەرەنسا نزیكەی 4 ملیۆن و ئیسپانیا و ئیتاڵیا زیاتر لە 3 ملیۆن و توركیا نزیكەی 3 ملیۆنیان تۆمار كردوە.
بەپێی داتاكانی هەمان ماڵپەڕ، تائێستا زیاتر لە 2 ملیۆن و 622 هەزار كەس گیانیان لەدەستداوە، هەروەها نزیكەی 94 ملیۆن توشبوش پەتاكەیان تێپەڕاندوە و چاكبونەتەوە.
هەرچی عێراقیشە بە هەرێمی كوردستانەوە لە پلە 28ی ریزبەندی زەرەرمەندترین وڵاتیانی جیهاندا دەبینرێت و زیاتر لە 735 هەزار توشبووی تۆمار كردوە، هەروەها تائێستا 13 هەزار و 618 كەس گیانیان لەدەستداوە و زیاتر لە 668 هەزار توشبوش چاكبونەتەوە.
