نوێترین هەواڵ

مه‌رجی مه‌سعود بارزانی بۆ كۆبوونه‌وه‌ له‌گه‌ڵ لاهور شێخ جه‌نگی ئاشكرا ده‌كرێت

بەرپرسی دۆسیەی پەرلەمان و حكوومەت لە بارەگای بارزانی رای دەگەیەنێت، ئەو كەسەی كە 16ی ئۆكتۆبەری كردووە، داوای لێبووردنێك لە خەڵكی كوردستان قەرزارە و ئەوكاتەی داوای لێبووردنی كرد، ”دانیشتن و كۆبوونەوەش“ لەگەڵیدا ئاساییە.
ئامینە زكری، بەرپرسی دۆسیەی پەرلەمان و حكوومەت لە بارەگای بارزانی، لە نووسینێكیدا لە پێگەی خۆی لە تۆڕی كۆمەڵایەتیی (فەیسبووك) بڵاوی كردۆتەوە، رای گەیاندووە: ”ئەم چەند ڕۆژە زۆر قسە لەسەر دانیشتنێكی سەرۆک بارزانی و کەسێک لە حزبێکی دیکە دەکرێت، سەرەتا دەبێت بڵێم جەنابی سەرۆک هەموو کات و هەموو سەردەمێک، ئەگەر زانیبێتی بابەتێک ئاشتیی کۆمەڵایەتی لێدەکەوێتەوە، سەقامگیریی سیاسی دروست دەکات، هیچکات دوو دڵ نەبووە، تەنانەت ئەگەر لەسەر حیسابی قوربانیدانی خۆی و حزبەکەشی بووبێت، مێژوو لەسەر ئەم قسەیەم شاهێدە“.
جەختیشی لەوە كردۆتەوە، لەبارەی بابەتی ئەم دانیشتنەی کە ئێستا باسێکی گەرمە، ”دەبێت بپرسین ئایا سەرۆک بارزانی کێشەی كەسی لەگەڵ کەسێک هەیە؟ ئایا ئەوەی لە کەرکووک و ١٦ی ئۆکتۆبەر کرا بەرانبەر سەرۆک بارزانی بوو یان بەرانبەر بە هەموو گەلی کوردستان؟ کێ هەبوو لەم وڵاتە دڵی نەشکێت؟ چ کوردێک ئازاری نەبینی بەهۆی ١٦ی ئۆکتۆبەرەوە؟“.
ئامینە زكری لە كۆتایی نووسینەكەیدا ئاشكرای كردووە، کەسێک ١٦ی ئۆكتۆبەری کردبێت، ”داوای لێبووردنێک لە هەموو خەڵکی کوردستان و گەلی کوردستان قەرزارە، ئەگەر ئەمە ڕوویدا، ئەو کات دانیشتن و کۆبوونەوەش ئاساییە“.
ئه‌مه‌ش دوای ئه‌وه‌ دێت كه‌ له‌ رۆژانی رابردوودا باس له‌ ئه‌گه‌ری دانیشتنی مه‌سعود بارزانی سه‌رۆكی پارتی و لاهور شێخ جه‌نگی هاوسه‌رۆكی یه‌كێتی ده‌كرا و چه‌ند هه‌وڵێكی نێوه‌ندگیریش بۆ ئه‌و مه‌به‌سته‌ خرابوونه‌ گه‌ڕ.

هەواڵی دواتر

مباپێ‌: چیتر لەوە زیاتر چاوەڕێ ناكەم

كیلیان مباپێ‌ ئەستێرەی هەڵبژاردەی فەرەنسا و یانەی پاریس سانجێرمانی هەمان وڵات جەخت لەوە دەكاتەوە، چیتر …

وەڵامێک بنووسە

پۆستی ئەلکترۆنیکەت بڵاو ناکرێتەوە .