ئاسۆ حەوێزی وتەبێژی وەزارەتی تەندروستی هەرێمی كوردستان ئاشكرایكرد: كاریگەری ڤاكسینەكانی كۆرۆنا بەپێی جۆرەكەیەتی و هەیە 6 بۆ 8 مانگە و هەیە تا ساڵێك بەردەوام دەبێت.
ئاسۆ حەوێزی بڵاویكردوەتەوە: سەبارەت بە كاریگەرییەكانی ڤاكسینی كۆرۆنا كە تاكەی بەردەوام دەبێت، دەگەڕێتەوە بۆ ئەو كۆمپانیایەی ڤاكسینەكەی دروست كردوە.
رونیشیكردوەتەوە: بۆ نمونە كۆمپانیای فایزەر دەڵێت، 6 بۆ 8 مانگ كاریگەریی بەردەوام دەبێت، بەبێ ئەوەی لایەنە زانستییەكەی رونبكاتەوە، كۆمپانیاش هەیە دەڵێت ساڵێك یاخود تا 6 مانگ كاریگەرییەكانی دەمێنێتەوە.
لەئێستادا چەند ڤاكسینێكی دژە كۆرۆنا لە جیهاندا دروستكراون و بڵاودەكرێنەوە، لە دیارترینیان ڤاكسینەكانی “فایزەر، مۆدێرنا، سپۆتنیك V، سینۆفارم، ئەسترازینیكا و جۆنسۆن ئاند جۆنسۆن”.
