پزیشكێكی روسی دەڵێت: زۆری دژە تەنەكان گەرەنتی نییە بۆ پاراستنی جەستەی مرۆڤ لە پەتای كۆرۆنا و تەنها ژمارەیەكی دیاریكراو دژە تەن گەرەنتی پاراستنی مرۆڤ دەكەن لە توشبون.
دكتۆر نیكۆلای كریشكۆف لە لێدوانێكدا بە دەزگاكانی راگەیاندنی روسیای وتوە: ناكرێت باس لە ئاستی دژە تەنەكان بكرێت، چونكە تاقیگە جیاوازەكان ئاستی جیاوازی دژە تەنەكانی جەستە پیشان دەدەن، كاتێك تاقیگەیەك رێژەیەكی بەرز دژە تەن پیشان دەدات واتای ئەوە نییە لە كۆرۆنا پارێزراویت، چونكە تاقیگەیەكی تر رێژەیەكی كەم پیشان دەدات.
ئەوەشی رونكردوەتەوە: لە لایەكی ترەوە تەنها رێژەیەكی دیاریكراو دژە تەن هەیە كە جەستەی مرۆڤ لە توشبون بە كۆرۆنا دەپارێزێت، پاشماوەكەی وەك و خۆڵ و خاشاكی بێسود وایە، هەروەها سەختە بتوانیت ئەو رێژە دژە تەنە دیاری بكەیت كە لە كەسێكدا دروست دەبێت دوای كوتانی بە ڤاكسینی دژە كۆرۆنا.
ئەو پزیشكە ڕوسیە ئەوەش ئاشكرا دەكات: تەنانەت ئەگەر كەسێك رێژەیەكی زۆر دژە تەن لە جەستەشیدا هەبێت، ئەگەری هەیە توشی كۆرۆنا ببێت، ئەگەر هاتوو ژمارەی دژە تەنە بەسودەكان لە جەستەیدا كەمبون.
