وەزارەتی دەرەوەی ئێران داوا لە ئەنجومەنی وەزیرانی وڵاتەكەی دەكات بەفەرمی ڤیزا لەگەڵ عێراق لاببات، هەرچەندە پێشتر بە زارەكی رەزامەندی دراوە، بەمەرجێك عێراقیش بەهەمان شێوە مامەڵە بكات.
نوسینگەی راگەیاندنی ئەنجومەنی وەزیرانی ئێران بڵاویكردووەتەوە: وەزارەتی دەرەوە پێشنیازێكی داوە بە ئەنجومەنی وەزیران بۆ هەڵوەشانەوەی ڤیزا لەگەڵ عێراقدا بەشێوەیەكی فەرمی و رەزامەندیدان لەسەری.
ئەوەش هاتوە: ئەوەش سەرەڕای ئەوەی پێشتر ئەو رەزامەندییە بە زارەكی دراوە و لەگەڵ لایەنی عێراقیدا گەیشتونەتە رێكەوتن، بەڵام كاتێك ئەمەش دەكرێت ئەگەر عێراقیش بەهەمان شێوە مامەڵە بكات.
جەختلەوەشكراوەتەوە: پێشنیازەكە خراوەتە خشتەی كاری دانیشتنەكانی ئەنجومەنی وەزیرانەوە بۆ لێكۆڵینەوە لێی و بڕیاری دروست لەو بارەیەوە، ئەوەش سەرجەم ئەو كەسانە دەگرێتەوە كە پاسپۆرتی ئاساییان پێیە.
