ئێران ڤاكسینێكی راگەیاند

كۆماری ئیسلامی ئێران ڤاكسینێكی بەناوی “فەخرا” راگەیاند و تاقیكردنەوەی قەرەوێڵەیی لەسەر ڤاكسینەكە دەستپێكرد و یەكەم كەس كوڕەكەی موحسین فەخری زادە گەورە زانای ئەتۆمی ئێران كە لەماوەی رابردودا كوژرا بە ڤاكسینەكە كوترا.
كۆماری ئیسلامی ئێران یەكەم ڤاكسینی دروستكراوی وڵاتەكەی بەناوی “فەخرا”ەوە راگەیاند و لەكاتی ئاشكراكردنی محەمەد كەریمی بەڕێوەبەری پرۆژەی ڤاكسینەكە لە دامەزراوەی لێكۆڵینەوە و داهێنانی بەرگری لە بواری بەرەنگاربونەوەی پەتای كۆرۆنا باسی لەوەكرد: لەسەرەتای بڵاوبونەوەی كۆرۆناوە كاری بەردەوامیان كردوە، ئەوەش بەبونی كەسانی شارەزا و ژێرخانی گونجاو، سەرەڕای هەوڵەكانی موحسین فەخری زادە سەرۆكی تیرۆر كراوی رێكخراوەكە كە هەوڵێكی تایبەتی دا لە بەرەنگاربونەوەی نەخۆشیەكە.
جەختیلەوەشكردوەتەوە: پرۆژەی گەشەپێدانی “فەخرا” لە مانگی 3ی ساڵ 2020ەوە دەستی پێكردوە و لە مانگی 6ی هەمان ساڵ دەستكراوە بە قۆناغی بەرهەمهێنان بۆ تاقیكردنەوەی.