وتەبێژی حكومەتی هەرێمی كوردستان ئاشكرای كرد، بەمەبەستی گەیشتن بە رێككەوتن لەسەر پڕۆژەیاسای بودجە، ئەمڕۆ شاندی دانوستانكاری حكومەتی هەرێم سەردانی بەغدا دەكات.
جوتیار عادل وتەبێژی حكومەتی هەرێمی كوردستان لە لێدوانێكی رۆژنامەوانیدا رایگەیاند، هەرێمی كوردستان لەقۆناغی كۆتایی پرۆژەیاسای بودجەی 2021ی هەرێمە و هەڵەبجە تایبەتمەندی دەبێت و لەبەرچاو دەگیرێت، وپارێزگای هەڵەبجە بودجەی بۆ تەرخاندەكرێت و پرۆژە و خزمەتگوزاری بۆ جێبەجێدەكرێت.
وتیشی، ئێمە نیگەرانین كە حكومەتی عێراق نەیتوانیوە بەپێی پێویست بەدەم داواكاری حكومەتی هەرێم بۆ قەرەبوكردنەوەی قوربانیانی هەڵەبجە بچَت و هیوادارین بتوانین قەرەبوی خەڵكی هەڵەبجە بكەین و خۆیشمان بە بەرپرسیار دەزانین و درێغی ناكەین لە خزمەتكردنی هەڵەبجە.
سەبارەت بە رێكەوتنی نیواَن هەولێر و بەغدا لەسەر پڕۆژە یاسای بودجەی گشتی عێراق، وتەبێژی حكومەتی هەرێمی كوردستان رونیكردەوە، بەمەبەستی گەیشتن بەڕێككەوتن لەسەر پڕۆژە یاساكە ئەمڕۆ شاندی دانوستانكاری حكومەتی هەرێم سەردانی بەغدا دەكات.
