دۆناڵد ترامپ سەرۆكی پێشوی ولایەتە یەكگرتوەكانی ئەمریكا دەڵێت: دەیانەوێت جارێكی تر خۆم بۆ پۆستی سەرۆكایەتی بپاڵێومەوە و لێكۆڵینەوە لەو بابەتە دەكەین.
دۆناڵد ترامپ لە چاوپێكەوتنێكدا لەگەڵ تۆڕی “فۆكس نیوز”ی ئەمریكی وتی: هاوكاری هاوڕێ كۆماریەكانم دەكەم بۆ كۆنترۆڵكردنەوەی ئەنجومەنی نوێنەران و پیران لە هەڵبژاردنی 2022دا.
رونیشیكردوەتەوە: پێموایە دەرفەتێكی زۆر باشمان هەیە بۆ وەرگرتنەوەی ئەنجومەنی نوێنەران، هەروەها دەرفەتێكی باشمان هەیە بۆ كۆنترۆڵكردنەوەی ئەنجومەنی پیرانیش، دواتر بڕیار لە بابەتەكان دەدەین.
ترامپ لە بەشێكی تری قسەكانیدا سەبارەت بەوەی خۆی بۆ پۆستی سەرۆكایەتی دەپاڵێوێتەوە یاخودنا وتی: بەپێی ڕاپرسیەكان لایەنگرانم دەیانەوێت خۆم بۆ پۆستی سەرۆكایەتی بپاڵێومەوە، بەڵام لێكۆڵینەوە لەو بابەتە دەكەین و بزانین چی رودەدات.
