ئاژانسی دەرمانی ئەوروپا لە بارەی ڤاكسینی ئەسترازینكاوە دڵنیایی دەدات

ئاژانسی دەرمانی ئەوروپا رەتیكردەوە، هیچ پەیوەندییەك لە نێوان مەیینی خوێن و بەكارهێنانی ڤاكسینی كۆرۆنای ئەسترازینكادا هەبێت.
بەپێی راگەیەنراوێكی ئاژانسەكە، پسپۆرانیان گەیشتوونەتە ئەو ئەنجامەی كە هیچ پەیوەندییەك لە نێوان بەكارهێنانی ڤاكسینی كۆرۆنای ئەسترازینكا و مەیینی خوێنی كەسی بەكارهێنەردا نییە.
جەختیشی كردوەتەوە، كە هێشتا لایەنە ئەرێنییەكانی بەكارهێنانی ڤاكسینی ئەسترازینكا زیاترن لە لێكەوتە نەرێنیەكانی و رێژەی دروستبوونی بەرگریی لەش لە بەكارهێنەرانی ئەو ڤاكسینە بەرامبەر بە تووشبوون بە كۆرۆنا لە ئاستێكی بەرزدایە.
 پێشتر بە هۆی تۆماركردنی چەند حاڵەتێكی مەیینی خوێن لەو كەسانەی ڤاكسینەكەیان وەرگرتبوو، وڵاتانی وەك نەرویژ، نەمسا، دانیمارك و ئیرلەندا بە شێوەی كاتی بەكارهێنانی ڤاكسینی ئەسترازینكایان راگرتبوو.
بەرپرسانی كۆمپانیای ئەسترازینكا رایانگەیاندووە، تائێستا 17 ملیۆن ژەمە ڤاكسینی كۆمپانیاكەیان لەسەرتاسەری جیهان بەكارهێنراوە.

هەواڵی دواتر

تەندروستی عیراق بڕیاری لەناوبردنی سەگی بەرەڵا دەدات

وەزارەتی تەندروستی عیراق هۆشداریدا لەبڵاوبونەوەی نەخۆشی هاری لەناو هاووڵاتیاندا. وەزارەتی تەندروستی عیراق لەنوسراوێكدا كە ئاڕاستەی …

وەڵامێک بنووسە

پۆستی ئەلکترۆنیکەت بڵاو ناکرێتەوە .