سەرۆك وەزیرانی پێشووتری عێراق داوا لە پەڕلەمان دەكات بەهۆی بەرزبوونەوەی نرخی نەوت پاڵپشتی هاووڵاتیان بن لە كەمكردنەوەی بەهای دۆلار.
حەیدەر عەبادی، سەرۆك وەزیرانی پێشووتری عێراق و سەرۆكی هاوپەیمانی نەسر لە تویتێكدا ڕایگەیاندووە، دابەزاندنی بەهای دینار كاریگەری نەرێنی هەبووە لەسەر هاوڵاتیان بەتایبەتی ئەوانەی داهاتیان سنووردارە.
عەبادی بە ئاماژەدان بە بەرزبوونەوەی بەهای نەوت، داوای لە پەڕلەمانی عێراق كردووە لە پێناو كۆنتڕۆڵكردنی هەڵاوسان و بەدەنگەوەچوونی داواكاری هاوڵاتیان كار بكەن بۆ دابەزاندنی بەهای دۆلار.
بەمەبەستی زاڵ بوون بە سەر قەیرانی دارایی حكومەتی عێراق لە كۆتایی ساڵی رابردوودا بڕیاریدا بە دابەزاندنی بەهای دینار بەرامبەر بە دۆلار، ئەوەش ناڕەزایەتی بەشێكی بەرچاو لە هاوڵاتیانی لێكەوتەوە.
