قاسم ئەعرەجی: كەمپی هۆل وەك بۆمبێكی تەوقیتكراوە

قاسم ئەعرەجی راوێژكاری ئاسایشی نیشتمانیی عێراق، جەختی لە پێویستی داخستنی كەمپی هۆل كردەوە و رایگەیاند، دانەخستنی كەمپەكە و مانەوەی بەم شێوەیە ئێستای دەبێتە بۆمبێكی تەوقیتكراو و مەترسی بۆ سەر ئاسایشی جیهان دروست دەكات.
نووسینگەی راگەیاندنی راوێژكاری ئاسایشی نیشتمانیی عێراق بڵاویكردەوە، قاسم ئەعرەجی لە ماسیۆ تولەر باڵیۆزی ئەمریكا لە بەغدا كرد.
بە گوێرەی راگەیاندراوەكە لە كۆبوونەوەكەدا باس لە دۆسیەی كەمپی ھۆل لە پارێزگای حەسەكە لە سووریا كراوە و لەمبارەیەوە قاسم ئەعرەجی ئاماژەی بەوە كردووە كە عێراق جەخت لە پێویستی چارەسەرێكی زانستیی و كۆتایی بۆ پرسی كەمپی ھۆل دەكات بە بەشداریی كۆمەڵگای نێودەوڵەتیی بەوپێیەی كەمپەكە كەسانی رەگەزنامەی بیانی و كەسوكاری تیرۆریستان لەخۆدەگرێت.
راوێژكاری ئاسایشی نیشتمانیی عێراق راشیگەیاندووە، دانەخستنی كەمپەكە و مانەوەی بەم شێوەیەی ئێستای دەبێتە بۆمبێكی تەوقیتكراو بەھۆی بوونی زیاتر لە 20 ھەزار منداڵ و نێوجەوانی عێراقی و ئەوانە دەبنە داعش و مەترسی لەسەر عێراق و ناوچەكە دروست دەكەن.
قاسم ئەعرەجی جەختی لەوە كردووەتەوە كە ئەگەر ھەموولایەك ھاوكار نەبن بۆ چارەسەكردنی ئەو كێشەیە ئەوا لە داھاتوودا دەبێتە هەڕەشە بۆسەر ئاسایشی عێراق و ناوچەكە و جیهان.
كەمپی ھۆل یەكێكە لەو كەمپانەی كە ئاوارەكان و خێزان و كەسوكاری چەكدارانی رێكخراوی داعش تیادا نیشتەجێ كراون و دەكەوێتە كەنارەكانی باشووری شاری هۆل لە پارێزگای حەسەكە باكووری سووریا لە نزیك سنووری ئەو وڵاتە لەگەڵ عێراق.

هەواڵی دواتر

هۆشیار زێباری جارێكی تر هێرش دەكات سەر دادگای فیدراڵی

هۆشیار زێباری ئەندامی مەكتەبی سیاسی پارتی دیموكراتی كوردستان جارێكی تر هێرش دەكاتەوە سەر دادگای فیدراڵی …

وەڵامێک بنووسە

پۆستی ئەلکترۆنیکەت بڵاو ناکرێتەوە .