لیوا قارەمان: هۆكاری جێبەجێنەكردنی رێكەوتنی سەربازی هەرێم و بەغدا سیاسیە

لیوا قارەمان كەمال جێگری سوپاسالاری وەزارەتی پێشمەرگە دەڵێت: جێبەجێنەكردنی رێككەوتنی سەربازیی نێوان هەرێم و بەغدا هۆكارەكەی سیاسیە و ئەوەش لە زیانی عێراقدایە.
لیوا قارەمان كەمال بە ماڵپەڕی فەرمی پارتی وتوە: رێككەوتنی سەربازیی نێوان هەرێم و بەغدا چەندین خاڵ لەخۆ دەگرێت، كە بریتین لە دروستكردنی لیژنەی هاوبەش و هێزی هاوبەش و ئەنجامدانی ئۆپەراسیۆن لە ناوچە كوردستانیەكان.
رونیشیكردوەتەوە: پڕنەكردنەوەی بۆشایی و نەبونی هێزی هاوبەش لەو ناوچانەدا لە قازانجی داعش و لە زیانی عێراقدایە، چونكە تا ئێستا داعش هێرشی نەكردوەتە سەر هێزی پێشمەرگە . 
لیوا قارەمان جەختیلەوەشكردوەتەوە: داعش لە گوندەكانی سنوری هێزی عێراقی هاتوچۆ دەكەن، ولە چیای قەرەچوغ تا پێشمەرگە هەبو نەیدەتوانی نزیك چیاكە ببێتەوە، بۆشاییەكە لەلایەن هێزە عێراقیەكانەوەیە، ئەگەر هۆكارەكان تەكنیكی بن ئێمە هەردولا بە ئاسانی دەتوانین چارەسەریان بكەین، بەڵان سیاسین چونكە لە عێراق هەمو پرسەكان بە سیاسی كراون.