په‌رله‌مانتارێكى كورد له‌په‌رله‌مانى عێراق ئاشكراى كرد، هۆى دواكه‌وتنى ده‌نگدان له‌سه‌ر بودجه‌ى گشتى عێراق ده‌گه‌ڕێته‌وه بۆ سه‌فقه‌یه‌كى سیاسى له‌نێوان هه‌رێمى كوردستان و به‌غدا.
سه‌ركه‌وت شه‌مسه‌دین ئه‌ندامى فراكسیۆنى ئاینده له‌په‌رله‌مانى عێراق له لێدوانێكى رۆژنامه‌وانیدا رایگه‌یاند، چه‌ند سه‌فقه‌یه‌كى سیاسى له نێوان هێزه سیاسیه باڵاكانى به‌غدا و هه‌رێم كراوه بۆ تێپه‌ڕاندنى بودجه‌ى گشتى 2021ى عێراق ، به‌رامبه‌ر به ده‌نگدان له‌سه‌ر پێكهێنانى حكومه‌تى داهاتوى عێراق.
سه‌ركه‌وت شه‌مسه‌دین هێماى بۆ ئه‌وه‌شكرد، هۆكارى سه‌ره‌كى دواكه‌وتنى ده‌نگدان له‌سه‌ر بودجه‌ى گشتى عێراق، ئه‌و سه‌فقه سیاسییه‌ى نێوان هه‌رێم و به‌غدایه.
دواى ئه‌وه‌ى بۆ زیاتر له‌جارێك دواخرا، بڕیاره له‌هه‌فته‌ى داهاتودا په‌رله‌مانى عێراق كۆببێته‌وه و ده‌نگ له‌سه‌ر پڕۆژه‌یاساى بودجه‌ى گشتى 2021ى عێراق بدات.
