عودەی شەعلان: ناكۆكیەكانی هەولێر و بەغدا بەردەوامە

پەرلەمانتارێكی پەرلەمانی عێراق ئاشكرای كرد، ناكۆكیەكانی نێوان حكومەتی عێراق و هەرێمی كوردستان لەسەر بودجەی گشتی 2021 عێراق تاوەكو ئێستاش بەردەوامە.
عودەی شەعلان پەرلەمانتاری فراكسیۆنی هاوپەیمانی فەتح لەپەرلەمانی عێراق لە لێدوانێكی رۆژنامەوانیدا ڕایگەیاند، كۆبونەوەی لیژنەی دارایی و سەرۆكی فراكسیۆنەكان لەگەڵ شاندی حكومەتی هەرێمی كوردستان بەردەوامە بەبێ‌ ئەوەی بگەنە هیچ چارەسەرێك سەبارەت بە مادەی 11 لەبودجەی گشتی عێراق كە تایبەتە بە هەرێمی كوردستان.
وتیشی، خاڵی ناكۆكی نێوان حكومەتی عێراق و هەرێمی كوردستان ئەوەیە، هەرێم ڕازی نیە هەمو داهاتە نەوتی و نانەوتییەكانی ڕادەستی بەغدا بكات .
ئەو پەرلەمانتارەی هاوپەیمانی فەتح پێشبینیشیكرد، لەدانیشتنی رۆژی شەممەی داهاتو دەنگ لەسەر پڕۆژەی بودجە نەدرێت و ڕەنگە بەبێ‌ كورد تێپەڕێنرێت.

هەواڵی دواتر

نرخی بەرمیلێک نەوت گەیشتە 111 دۆلار و 43 سەنت

دوێنێ نرخی بەرمیلێک نەوت بۆ 112 دۆلار و 31 سەنت بەرزبووەوە و رۆژەکەی بە 111 دۆلار و 43 سەنت، تەواو …

وەڵامێک بنووسە

پۆستی ئەلکترۆنیکەت بڵاو ناکرێتەوە .