موزهر محەمەد ساڵح راوێژكاری ئابوریی سەرۆك وەزیرانی عێراق ئاشكرایدەكات: حكومەت سورە لەسەر باشتركردنی مادەكانی ناو فۆرمی خۆراك و پرۆژە یاسای بودجە چەند دەرگایەكی تێدایە بۆ سنورداركردنی هەژاری.
موزهر محەمەد ساڵح لە لێدوانێكی رۆژنامەوانیدا باسی لەوەكردوە: پرۆژە یاسای گشتی بودجە بەرنامەی بۆ هەژاران تێدایە، لەوانەش باشتركردنی مادەكانی ناو فۆڕمی خۆراك و زیادكردنی بڕەكانیان و دابەشكردنیان، حكومەت سورە لەسەر ئەو بابەتە و چارەسەركردنی هەژاری و بەرپەرچدانەوەی.
رونیشیكردوەتەوە: چارەسەركردنی كەمكردنەوەی هەژاری بە تێپەڕاندنی بودجە دەبێت، چونكە چەندین بەرنامەی تێدایە، لەوانەش خستنەسەركاری گەنجان و وەبەرهێنانی نوێ و چەندین بابەتی تر، بێكاری بنەمای هەژارییە بۆیە پێویستە بودجە تێپەڕێنرێت، چونكە چەندین بەرنامە و چالاكی ئابوریی تێدایە.
راوێژكارەكەی كازمی جەختیلەوەشكردوەتەوە: تێپەڕاندنی بودجە دەبێتە هۆی سەقامگیری بازاڕ و رێكخستنی كار و بازرگانی، چونكە پلانی داراییە بۆ ساڵێكی تەواو، بەداخەوە كە وەرزی یەكەمی ساڵ بەرەو كۆتایی دەچێت بەڵام پرۆژە یاساكە تێنەپەڕێنراوە، ئەوەش واتای لەدەستدانی 25%ی دنیابینی دارایی ئەمساڵا.
