هەڤاڵ ئەبوبەكر پارێزگاری سلێمانی دەڵێت: بارودۆخی كۆرۆنا لەژێر كۆنترۆڵدایە و لەگەڵ داخستنی هیچ سێكتەرێك نین، هەروەها پرۆسەی خوێندنیش ڕانەگیراوە، و دەبێت تێگەیشتنی نوێمان بۆ پەتاكە هەبێت.
هەڤاڵ ئەبوبەكر ئەمڕۆ شەممە لە كۆنگرەیەكی رۆژنامەوانیدا وتی: بارودۆخی پەتای كۆرۆنا لەژێر كۆنترۆڵدایە و لە دوو رۆژی رابردودا كەس بە پەتاكە گیانی لەدەستنەداوە، لەگەڵ داخستنی هیچ سێكتەرێك نین و دەیانەوێت سەرجەم سێكتەرەكان بە خۆپارێزیەوە كراوەبن.
سەبارەت بە پرۆسەی خوێندن پارێزگاری سلێمانی جەختیلەوەشكردوەتەوە: وەزارەتی پەروەردە بڕیاری داوە لە ئێستادا تاقیكردنەوەكان بكرێن و دەوام ڕانەگیراوە، بەڵام وانە خوێندنەوە لەناو پۆلدا راگیراوە، بەبڕوای ئێمە دەبێت تێگەیشتنی نوێمان بۆ پەتاكە هەبێت، بۆ ئەوەی لێكەوتەكانی پەتاكە لە پەتاكە خۆی زیانی زیاتر نەگەیەنێت، هەروەها لە ماوەی داهاتودا لیژنەی باڵای روبەڕوبونەوەی كۆرۆنا بڕیاری نوێ دەردەكات.
پارێزگاری سلێمانی جەختیلەوەشكردەوە: ساڵی پێشوو ئەركی خۆپارێزێزی و چارەسەریش كەوتبوە سەر دەوڵەت، پێویستە لەمەودوا و لەساڵی دوەمی كۆرۆنادا ئەركی سەرەكی خۆپارێزی بكەوێتە سەر هاوڵاتیان و ئەركی چارەسەریش بكەوێتە سەر حكومەت.
