پێكدادانی دوو شەمەندەفەر و روخانی تەلارێك لە میسر دەیان كوژراو و برینداری لێكەوتەوە

پێكدادانی دوو شەمەندەفەر و روخانی تەلارێك لە میسر بوە هۆی گیان لەدەستدانی 35 كەس و برینداربونی 182 كەسی دیكە.
بەپێی سەرچاوەكانی هەواڵی میسر، بەیانی رۆژی هەینی لە پارێزگای سوهاجی باشوری ئەو وڵاتە دوو شەمەندەفەر بەیەكیاندا داوەو لە ئەنجامدا 32 كەس گیانیان لەدەستداوە و 165 كەسی تریش بریندار بون.
بەرپرسانی ئەو وڵاتە ئاشكرایانكردوە، كەسێك كە نازانرێت كێیە لەناكاو برێكی شەمەندەفەرەكەی راكێشاوە، شەمەندەفەری دوەمیش كە لەدوایەوە هاتوە خۆی پێدا كێشاوە.
لەلایەكی ترەوە، لە قاهیرەی پایتەخت و لەناوچەی “پردی سویس” تەلارێك روخاوە و بەهۆیەوە لانیكەم 3 كەس گیانیان لەدەستداوە و 23 كەسی تریش برینداربون.