کازمی لەبارەی بەڕێوەچوونی هەڵبژاردن روونکردنەوە دەدات

سەرۆکوەزیرانی عێراق رایگەیاند، هەڵبژاردنی پەرلەمانی لە کاتی خۆیدا و لە ١٠ی ١٠ی ٢٠٢١ بەڕێوەدەچێت. دەشڵێت، پاشەکشەیان لە بنیاتنانی دەوڵەتدا نەکردووە.

مستەفا کازمی سەرۆکوەزیرانی عێراق لە تویتەری خۆی رایگەیاند، “بەردەوامین لە جێبەجێكردنی كارنامەی حكومەت سەرباری دەنگە نەشازەكان و قەیرانە دروستكراوەكان”.

راشیگەیاند، “ئەم كەشە نەرێنییە كە دەویسترێت پەلبهاوێت ئامانجی كوشتنی خەونی عێراقییەكانە بۆ سبەینێیەکی باشتر”.

لەبارەی هەڵبژاردنیشەوە دەڵێت، هەڵبژاردن لە کاتی خۆیدا دەكرێت و هیچ پاشەكشەیەكیش لە پڕۆژەی بنیاتنانی دەوڵەت نییە.