wazho.net
ڕاوێژکاری سەرۆکی ئەنجومەنی وەزیرانی عیراق بۆ كاروباری دارایی دەڵێت، لە ئەگەری گەیشتنی نرخی نەوت بە 70 دۆلار بۆ هەر بەرمیلێك، عیراق پێویستی بە قەرز نابێت.
مەزهەر محەممەد ساڵح راوێژكاری موستەفا كازمی، سەرۆكوەزیرانی عێراق بۆ كاروباری دارایی لە لێدوانێكدا ڕایگەیاند، “زۆر گرنگە سندووقی جێگیركردنی بودجە بوونی هەبێت، ئەوەش وەكو سندووقێكی سەروەرییە بۆ پاراستنی توانای دارایی لە مەترسی هەڵبەز و دابەزی داهات، لەسەر ئەو بنەمایەی نەوت 92%ـی كۆی داهاتی گشتی لە بودجە پێكدێنێت”.
هاوكات لەبارەی کورتهێنانی بودجە و قەرزکردن لە ساڵی 2021ـدا وتی: “ئەگەر نرخی یەك بەرمیل نەوت بگاتە 70 دۆلار، عێراق بودجەیەكی هاوسەنگی دەبێت، پێویستی بەوە نابێت بۆ پڕكردنەوەی كورتهێنانی ساڵانە لە بودجەی گشتی پەنا بباتە بەر قەرز”.
ساڵی 2020 به هۆی بڵاوبوونه‌وه‌ی كۆرۆنا و دابه‌زینی نرخی نه‌وته‌وه حكومه‌تی عێراق تووشی كورتهێنانی دارایی بوو، بۆ پڕكردنه‌وه‌شی په‌نای بۆ وه‌رگرتنی قه‌رزی ناوخۆیی و ده‌ره‌كی بردووه.
