رێكخراوی تەندروستی جیهانی و چین لە لێكۆڵینەوەیەكی هاوبەشدا ئاشكرای دەكەن: كۆرۆنا لە تاقیگەدا دروست نەبوە و ئەو گریمانە زۆر دورە، بەڵام لە شەمشەمەكوێرەوە گوازراوەتەوە بۆ گیاندارێكی تر و دواتر مرۆڤ.
بەپێی لێكۆڵینەوەكە: گواستنەوەی كۆرۆنا لە شەمشەمەكوێرەوە بۆ گیاندارێكی تر و دواتر مرۆڤ لە بەهێزترین سیناریۆكانە، ئەوەی باس لەوەدەكرێت گوایە لە تاقیگە دزەی كردوە، ئەگەرێكی زۆر دورە.
بەپێی هەمان لێكۆڵینەوە: گەڕان و پشكنین و لێكۆڵینەوەی زیاتر لە هەمو بوارەكاندا دەكرێت، بەڵام لێكۆڵینەوە لە ئەگەری دزەكردن لە تاقیگەوە ناكرێت.
لەماوەی رابردودا تیمێكی رێكخراوی تەندروستی جیهانی چونە شاری ووهانی وڵاتی چین كە تێیدا بۆ یەكەمجار كۆرۆنا دەركەوت بۆ لێكۆڵینەوە لە سەرچاوەی بڵاوبونەوەی كۆرۆنا، لە چەند رۆژا رابردوشدا جەختلەوە كرایەوە كە لێكۆڵینەوەكە كۆتایی هاتوە و بۆ رای گشتی بڵاودەكەنەوە.
