شەوی رابردو چەند موشەكێك نران بە میحوەرەكانی پێشمەرگەوە و حەشدی شەعبیش رەتیدەكەنەوە هیچ زانیاریەكیان لەو بارەیەوە هەبێت.
شەوی رابردو سێ موشەك ئاڕاستەی بازگەی شێراوە لەنێوان هەولێر و مەخمور كران و وەزارەتی پێشمەرگەش لە راگەیەندراوێكدا جەختیلەوەكردوەتەوە كە هیچ زیانێكی گیانی و مادیان لێنەكەوتوەتەوە.
لای خۆشیەوە عەلی حوسەینی وتەبێژی میحوەری باكوری حەشدی شەعبی لە لێدوانێكی رۆژنامەوانیدا وتویەتی: هیچ زانیاریەكیان لەو بارەیەوە نییە و تەنانەت ناشزانن ئەو موشەكانە لە كوێوە هەڵدراون.
وتوشیەتی: هێزەكانی حەشد لەو میحوەرەوە دورن و هیچ پرۆسەیەكی هەڵدانی موشەك و هاوەنیش ئەنجام نەدراوە، هەروەها بەدوریشی دەزانێت موشەكەكان لە ناوچە كێشە لەسەرەكانەوە هەڵدرابن، جەختلەوەشدەكاتەوە كە لێكۆڵینەوە لە سەرچاوەی موشەكەكان دەكرێت.
