رێكخراوى ته‌ندروستى جیهانى دڵنیایى ده‌داته عێراق سه‌باره‌ت به ڤاكسینى ئه‌سترازینیكا كه له چه‌ند رۆژى رابردودا گه‌یشته عێراق جه‌ختله‌وه‌ده‌كاته‌وه: ڤاكسینه‌كه 76% كاریگه‌رى دژى كۆرۆنا هه‌یه.
ئه‌حمه‌د زویتن نوێنه‌رى رێكخراوى ته‌ندروستى جیهانى له عێراق له لێدوانێكى رۆژنامه‌وانیدا باسى له‌وه‌كردوه: رێكخراوه‌كه سه‌رجه‌م ڤاكسینه‌كانى دژه كۆرۆناى تۆمار كردوه و پشتى به 4یان به‌ستوه، یه‌كێك له‌وانه‌ش ڤاكسینى ئه‌سترازینیكایه كه له ماوه‌ى رابردودا گه‌یشته عێراق.
رونیشیكردوه‌ته‌وه: ئه‌سترازینیكا 76% مرۆڤ له توشبون ده‌پارێزێت و 100%یش مرۆڤ له توشبونى سه‌خت و مردن ده‌پارێزێت، ڤاكسینه‌كه له هه‌موو ڕوه‌كانه‌وه لێكۆڵینه‌وه‌ى لێكراوه له‌لایه‌ن شاره‌زایانى نێوده‌وڵه‌تى و كاریگه‌رى سه‌لمێنراوه، و هیچ كاریگه‌رییه‌كى لاوه‌كى ده‌رنه‌كه‌وتوه.
نوێنه‌رى رێكخراوى ته‌ندروستى جیهانى جه‌ختیله‌وه‌شكردوه‌ته‌وه: ئه‌و ڤاكسینه زۆر پشتى پێ ده‌به‌سترێت و له‌كاتى به‌كارهێنانى به ته‌واوه‌تى كاریگه‌رى له‌سه‌ر رێچكه‌ى په‌تاى كۆرۆنا له عێراق ده‌بێت.
